വികസനത്തിൽ ഇഴഞ്ഞ്​ ഫോർട്ട്​കൊച്ചി

ഫോ​ർ​ട്ട്​കൊ​ച്ചി: സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തു​ന്ന ഫോ​ർ​ട്ട്കൊ​ച്ചി​യു​ടെ ടൂ​റി​സം വി​ക​സ​ന​ത്തി​ന് ഒ​ട്ടേ​റെ പ​ദ്ധ​തി​ക​ൾ ആ​വി​ഷ്ക​രി​ക്കു​ന്നു​ണ്ടെ​ങ്കി​ലും എ​ല്ലാം പ്ര​ഖ്യാ​പ​ന​ത്തി​ൽ ഒ​തു​ങ്ങു​ന്നു. പ്ര​ദേ​ശ​ത്തോ​ട്​ ക​ടു​ത്ത അ​വ​ഗ​ണ​ന​യാ​ണെ​ന്നാ​ണ്​ നാ​ട്ടു​കാ​രു​ടെ പ​രാ​തി. അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യി​ൽ വീ​ർ​പ്പ് മു​ട്ടു​ക​യാ​ണ്​ ഫോ​ർ​ട്ട്കൊ​ച്ചി​യും മ​ട്ടാ​ഞ്ചേ​രി​യും.

ഫോ​ർ​ട്ട്കൊ​ച്ചി​ക്ക് വേ​ണ്ടി മു​ൻ​കാ​ല​ങ്ങ​ളി​ൽ ചി​ല വി​ക​സ​ന പ​ദ്ധ​തി​ക​ൾ ന​ട​പ്പാ​ക്കി​യെ​ങ്കി​ലും ആ​സൂ​ത്ര​ണ പി​ശ​കും അ​ശാ​സ്ത്രീ​യ നി​ർ​മാ​ണ​വും മൂ​ലം അ​തെ​ല്ലാം വെ​ള്ള​ത്തി​ൽ വ​ര​ച്ച വ​ര പോ​ലെ​യാ​യി. ഈ ​സ​ർ​ക്കാ​ർ അ​ധി​കാ​ര​മേ​റ്റ ശേ​ഷം ടൂ​റി​സം മ​ന്ത്രി ആ​ദ്യം സ​ന്ദ​ർ​ശി​ച്ച​ത് ഫോ​ർ​ട്ടു​കൊ​ച്ചി​യി​ലാ​യി​രു​ന്നു. അ​ന്ന് ന​ൽ​കി​യ വാ​ഗ്ദാ​ന​ങ്ങ​ളൊ​ന്നും ന​ട​പ്പാ​യി​ട്ടി​ല്ലെ​ന്നാ​ണ് ടൂ​റി​സം മേ​ഖ​ല​യി​ലു​ള്ള​വ​ർ ത​ന്നെ ചൂ​ണ്ടി​ക്കാ​ണി​ക്കു​ന്ന​ത്.

കൊ​ച്ചി​യു​ടെ മു​ഖ​മു​ദ്ര​യാ​യി വി​ശേ​ഷി​പ്പി​ക്കു​ന്ന ചീ​ന​വ​ല ന​വീ​ക​ര​ണ​മാ​യി​രു​ന്നു പ്ര​ധാ​ന പ്ര​ഖ്യാ​പ​ന​ങ്ങ​ളി​ൽ ഒ​ന്ന്. എ​ന്നാ​ൽ ചീ​ന​വ​ല​ക​ൾ ഇ​ന്നും നി​ല​നി​ൽ​പ്പു ഭീ​ഷ​ണി​യി​ലാ​ണ്. ന​വീ​ക​രി​ച്ച ഏ​ക ചീ​ന​വ​ല​യു​ടെ ഉ​ട​മ​യാ​ക​ട്ടെ അ​ധി​കൃ​ത​രു​ടെ ഉ​റ​പ്പി​ൽ പ​ണം ചെ​ല​വ​ഴി​ച്ചെ​ങ്കി​ലും ഇ​പ്പോ​ൾ പ​ലി​ശ​ക്കെ​ടു​ത്ത പ​ണം വീ​ട്ടാ​നാ​വാ​തെ നെ​ട്ടോ​ട്ട​ത്തി​ലാ​ണ്. യു.​ഡി.​എ​ഫ് സ​ർ​ക്കാ​രി​ന്‍റെ കാ​ല​ഘ​ട്ട​ത്തി​ല​ട​ക്കം ക​ഴി​ഞ്ഞ പ​ത്ത് വ​ർ​ഷ​ത്തി​നി​ടെ ചീ​ന​വ​ല ന​വീ​ക​ര​ണ​ത്തി​ൽ ആ​റ് പ്ര​ഖ്യാ​പ​ന​ങ്ങ​ൾ ന​ട​ന്നു. ഈ ​കാ​ല​യ​ള​വി​നി​ട​യി​ൽ ഫോ​ർ​ട്ട് കൊ​ച്ചി​യി​ൽ നാ​ലും വൈ​പ്പി​ൻ തീ​ര​ത്ത് ഒ​ന്നും ചീ​ന​വ​ല ത​ക​ർ​ന്ന​ത്​ മാ​ത്രം മി​ച്ചം.

ത​ടി ല​ഭി​ക്കാ​ത്ത​താ​ണ് ന​വീ​ക​ര​ണ​ത്തി​ന് പ്ര​ധാ​ന ത​ട​സ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ചീ​ന​വ​ല​ക​ൾ​ക്കാ​വ​ശ്യ​മാ​യ മ​ര ഉ​രു​പ്പ​ടി​ക​ൾ കൃ​ത്യ​മാ​യി ല​ഭി​ക്കാ​ൻ സം​വി​ധാ​ന​മി​ല്ല. വ​നം, ടൂ​റി​സം, റ​വ​ന്യു വ​കു​പ്പു​ക​ൾ ത​മ്മി​ലെ ഏ​കോ​പ​ന​മി​ല്ലാ​യ്മ​യാ​ണ് പ്ര​ധാ​ന പ്ര​ശ്ന​മെ​ന്നാ​ണ് ബ​ന്ധ​പ്പെ​ട്ട കേ​ന്ദ്ര​ങ്ങ​ൾ ത​ന്നെ പ​റ​യു​ന്ന​ത്. അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള ശു​ചി​മു​റി നി​ർ​മി​ക്കു​മെ​ന്ന് ടൂ​റി​സം മ​ന്ത്രി പ്ര​ഖ്യാ​പി​ച്ചി​ട്ട്​ വ​ർ​ഷം ഒ​ന്ന​ര ക​ഴി​ഞ്ഞു. ഫോ​ർ​ട്ട്കൊ​ച്ചി ക​ട​പ്പു​റ​മാ​ക​ട്ടെ തീ​രം ഇ​ല്ലാ​താ​യ​തോ​ടെ മോ​ശം അ​വ​സ്ഥ​യി​ലാ​ണ്. ന​ട​പ്പാ​ത ഭൂ​രി​ഭാ​ഗ​വും പൊ​ട്ടി പ്പൊ​ളി​ഞ്ഞ നി​ല​യി​ലാ​ണ്.

പ്ര​വേ​ശ​ന ഭാ​ഗ​ത്ത് സി.​എ​സ്.​എം.​എ​ൽ.​ന​ട​പ്പാ​ത ന​വീ​ക​രി​ച്ച​ത് മാ​ത്ര​മാ​ണ് ആ​ശ്വാ​സം. മാ​ലി​ന്യം നി​റ​ഞ്ഞ ക​ട​പ്പു​റ​ത്തേ​ക്ക് സ​ഞ്ചാ​രി​ക​ൾ എ​ത്താ​നും മ​ടി​ക്കു​ക​യാ​ണ്‌. ഫോ​ർ​ട്ട്കൊ​ച്ചി റ​സ്റ്റ് ഹൗ​സി​ന്റെ ന​വീ​ക​ര​ണ​വും മു​ട​ന്തു​ക​യാ​ണ്. നാ​ല് രാ​ജ്യ​ങ്ങ​ളു​ടെ സൈ​നി​ക പ​രേ​ഡ് ന​ട​ന്ന പ​രേ​ഡ് മൈ​താ​ന​ത്തി​ന്‍റെ ന​വീ​ക​ര​ണ​വും നി​ല​ച്ചു. ഫോ​ർ​ട്ടു​കൊ​ച്ചി​യി​ലെ പ​ല റോ​ഡു​ക​ളു​ടെ ന​വീ​ക​ര​ണ​വും ഒ​ച്ചി​നെ പോ​ലെ ഇ​ഴ​യു​ക​യാ​ണ്. മൂ​ന്ന്​ വ​ർ​ഷ​മാ​യി​ട്ടും ഫോ​ർ​ട്ടു​കൊ​ച്ചി – മ​ട്ടാ​ഞ്ചേ​രി അ​തി​ർ​ത്തി​ക​ൾ പ​ങ്കി​ടു​ന്ന ചു​ങ്കം പാ​ല​ത്തി​ന്‍റെ ന​വീ​ക​ര​ണ​വും പൂ​ർ​ത്തി​ക​രി​ക്കാ​നാ​യി​ട്ടി​ല്ല.