അങ്കമാലി താലൂക്ക് ആശുപത്രിയിലെ സിനിമ ചിത്രീകരണം; സൂപ്രണ്ടിന് മനുഷ്യാവകാശ കമീഷന്‍റെ താക്കീത്

ആ​ലു​വ: അ​ങ്ക​മാ​ലി താ​ലൂ​ക്ക് ആ​ശു​പ​ത്രി സി​നി​മ ചി​ത്രീ​ക​ര​ണ​ത്തി​ന്​ ന​ൽ​കി​യ​തി​ന്​ ആ​ശു​പ​ത്രി സൂ​പ്ര​ണ്ടി​ന് മ​നു​ഷ്യാ​വ​കാ​ശ ക​മീ​ഷ​ന്‍റെ താ​ക്കീ​ത്. വെ​ള്ളി​യാ​ഴ്ച്ച ആ​ലു​വ​യി​ൽ ന​ട​ന്ന സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ സി​റ്റി​ങി​ലാ​ണ് താ​ക്കീ​ത് ന​ൽ​കി​യ​ത്.

ആ​ശു​പ​ത്രി​യി​ലെ ഒ.​പി വി​ഭാ​ഗ​ത്തി​ൽ ച​ല​ചി​ത്ര ചി​ത്രീ​ക​ര​ണ​ത്തി​ന്​ അ​നു​വാ​ദം ന​ൽ​കി​യെ​ന്ന പ​രാ​തി​യെ തു​ട​ർ​ന്ന് ആ​ശു​പ​ത്രി സൂ​പ്ര​ണ്ടി​നോ​ട് സി​റ്റി​ങ്ങി​ൽ നേ​രി​ട്ട് ഹാ​ജ​രാ​കാ​ൻ ക​മീ​ഷ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. ഇ​തേ തു​ട​ർ​ന്ന് ക​മീ​ഷ​ൻ മു​മ്പാ​കെ ഹാ​ജ​രാ​യ സൂ​പ്ര​ണ്ടി​നോ​ട് ഇ​ത്ത​രം കാ​ര്യ​ങ്ങ​ൾ​ക്ക്​ മേ​ലി​ൽ അ​നു​വാ​ദം ന​ൽ​ക​രു​തെ​ന്ന്​ താ​ക്കീ​ത് ന​ൽ​കു​ക​യാ​യി​രു​ന്നു.

ഒ​രു വ​ർ​ഷം മു​മ്പ് ഇ​തേ ആ​ശു​പ​ത്രി​യി​ൽ പ്ര​സ​വ സം​ബ​ന്ധ​മാ​യ സ​ർ​ജ​റി​യെ തു​ട​ർ​ന്ന്, പ്ര​സ​വി​ച്ച കു​ട്ടി​ക്കു​ണ്ടാ​യ ത​ക​രാ​ർ സം​ബ​ന്ധി​ച്ച് പ​രാ​തി​യു​ണ്ടാ​യി​രു​ന്നു. ഇ​തേ​ക്കു​റി​ച്ചും ക​മീ​ഷ​ൻ റി​പ്പോ​ർ​ട്ട് ആ​വ​ശ്യ​പെ​ട്ടി​രു​ന്നു. ഇ​ന്ന​ലെ ന​ട​ന്ന സി​റ്റി​ങ്ങി​ൽ ആ​ശു​പ​ത്രി അ​ധി​കൃ​ത​ർ സ​മ​ർ​പ്പി​ച്ച റി​പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ തു​ട​ർ​ന​ട​പ​ടി​ക​ളു​മാ​യി മു​മ്പോ​ട്ടു​പോ​കാ​ൻ ക​മീ​ഷ​ൻ തീ​രു​മാ​ന​മെ​ടു​ത്തു. ആ​കെ 49 പ​രാ​തി​ക​ളാ​ണു​ണ്ടാ​യി​രു​ന്ന​ത്. ഇ​തി​ൽ 39 എ​ണ്ണം പ​രി​ഗ​ണി​ച്ചു. ഒ​രെ​ണ്ണം തീ​ർ​പ്പാ​ക്കി.