പ്രതിഷേധവുമായി ‘ഗ്രീൻ പീപ്പിൾ’; പായിപ്രയിൽ വീണ്ടും അനധികൃത മണ്ണെടുപ്പ്

മൂ​വാ​റ്റു​പു​ഴ: പാ​യി​പ്ര​യി​ൽ വീ​ണ്ടും കു​ന്നി​ടി​ച്ച് മ​ണ്ണെ​ടു​പ്പ്. പ​ഞ്ചാ​യ​ത്തി​ലെ 21ാം വാ​ർ​ഡി​ൽ​പ്പെ​ട്ട എ​ല്ലു​പ​ടി- ക​മ്പ​നി റോ​ഡി​ലാ​ണ്​ സ്വ​കാ​ര്യ വ്യ​ക്തി​യു​ടെ 11 ഏ​ക്ക​റോ​ളം വ​രു​ന്ന പു​ര​യി​ട​ത്തി​ൽ നി​ന്ന്​ അ​ന​ധി​കൃ​ത​മാ​യി മ​ണ്ണെ​ടു​ത്ത് ക​ട​ത്തു​ന്ന​ത്. സം​ഭ​വം സം​ബ​ന്ധി​ച്ച് പ​രി​സ്ഥി​തി സം​ഘ​ട​ന​യാ​യ ഗ്രീ​ൻ പീ​പ്പി​ൾ ആ​ർ.​ഡി.​ഒ​ക്ക് അ​ട​ക്കം പ​രാ​തി ന​ൽ​കി.

ആ​റു​മാ​സ​ത്തോ​ള​മാ​യി രാ​ത്രി​കാ​ല​ങ്ങ​ളി​ൽ പു​ല​രു​വോ​ളം വ​ലി​യ രീ​തി​യി​ൽ മ​ണ്ണ് ക​ട​ത്തി മാ​റ്റി ഭൂ​മി​യു​ടെ സ്വാ​ഭാ​വി​ക ആ​വാ​സ വ്യ​വ​സ്ഥ ത​ക​ർ​ക്കു​ന്ന​താ​യാ​ണ് സം​ഘ​ട​ന​യു​ടെ പ​രാ​തി. വീ​ടി​നോ​ട് ചേ​ർ​ന്നു​ള്ള മ​ൺ​തി​ട്ട മാ​റ്റു​ന്ന​തി​ന് പെ​ർ​മി​റ്റ് എ​ടു​ത്ത​തി​ന്റെ മ​റ​വി​ലാ​ണ് മാ​സ​ങ്ങ​ളാ​യു​ള്ള മ​ണ്ണ് കൊ​ള്ള ന​ട​ക്കു​ന്ന​ത്.

കൂ​ടാ​തെ പാ​റ പൊ​ട്ടി​ക്ക​ലും ന​ട​ത്തു​ന്നു​ണ്ട്. സ്കൂ​ൾ കു​ട്ടി​ക​ൾ ഉ​ൾ​പ്പെ​ടെ നൂ​റു​ക​ണ​ക്കി​ന് പേ​ർ സ​ഞ്ച​രി​ക്കു​ന്ന എ​ല്ലു പൊ​ടി- ക​മ്പ​നി റോ​ഡ് ന​ശി​പ്പി​ച്ചു​ക​ഴി​ഞ്ഞെ​ന്നും മ​ണ്ണെ​ടു​പ്പി​നെ​തി​രെ പ​രാ​തി ന​ൽ​കി​യി​ട്ടും അ​ധി​കൃ​ത​ർ തി​രി​ഞ്ഞു​നോ​ക്കി​യി​ല്ലെ​ന്നും നാ​ട്ടു​കാ​ർ പ​രാ​തി​പ്പെ​ട്ടു. ബ​യോ​ഡൈ​വേ​ഴ്സി​റ്റി ബോ​ർ​ഡ് അ​ട​ക്കം നി​ര​വ​ധി സ​ർ​ക്കാ​ർ സം​വി​ധാ​ന​ങ്ങ​ൾ​ക്കും പ​രാ​തി ന​ൽ​കി​യി​ട്ടു​ണ്ടെ​ന്നും അ​ടി​യ​ന്ത​ര​മാ​യി ഇ​ട​പെ​ട്ട് ഗു​രു​ത​ര​മാ​യ ദു​ര​ന്ത​ങ്ങ​ൾ​ക്ക് കാ​ര​ണ​മാ​കു​ന്ന മ​ല​യി​ടി​ക്ക​ൽ നി​രോ​ധി​ച്ചു​ള്ള ഉ​ത്ത​ര​വ് ഉ​ട​ൻ ഉ​ണ്ടാ​ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടി​ട്ടു​ണ്ട്.