Ernakulam News
യുവാവിനെ കൊലപ്പെടുത്താൻ ശ്രമിച്ച സംഭവത്തിൽ നാലുപേർ പിടിയിൽ
കോതമംഗലം: തങ്കളത്ത് ഞായറാഴ്ച രാത്രി നേര്യമംഗലം സ്വദേശി അലൻ ലാലുവിനെ കൊലപ്പെടുത്താൻ ശ്രമിച്ച സംഭവത്തിൽ നാലു പേരെ പൊലീസ് അറസ്റ്റ് ചെയ്തു. തങ്കളത്ത് പ്രവർത്തിക്കുന്ന ബാറിൽ മദ്യപിച്ചതിന്റെ പണം സംബന്ധിച്ച തർക്കത്തെ തുടർന്നാണ് യുവാവിനെ കൊലപ്പെടുത്താൻ ശ്രമിച്ചത്. സംഭവത്തെ തുടർന്ന് സ്ഥലത്ത് എത്തിയ പൊലീസ് പ്രതികളായ കുത്തുകഴി അയ്യങ്കാവ് പ്ലാച്ചേരി പി.ജി. പ്രദീപ് (ബാബു 53), ഓണക്കൂർ പാലം ജങ്ഷൻ തച്ചപ്പിള്ളിൽ ടി.ആർ. ആഗോഷ് (36), മരങ്ങാട്ടിൽ ദേവസ്യ (24), ഓണക്കൂർ പ്ലാത്തോട്ടത്തിൽ ജോൺസൺ ജോയി (34)…
ബാങ്കിൽ വ്യാജ നോട്ട് നൽകാൻ ശ്രമിച്ച ലോട്ടറി വിൽപനക്കാരൻ പിടിയിൽ
കുന്നുകര: സഹകരണ ബാങ്കിൽ വ്യാജ കറൻസി കൈമാറ്റം ചെയ്യാൻ ശ്രമിച്ച ലോട്ടറി വിൽപനക്കാരനായ യുവാവ് അറസ്റ്റിൽ. വയൽകര പ്ലാശ്ശേരി വീട്ടിൽ ശ്രീനാഥിനെ (32) ചെങ്ങമനാട് പൊലീസാണ് അറസ്റ്റ് ചെയ്തത്. ശനിയാഴ്ചയാണ് സംഭവം. ബാങ്കിലുള്ള ഇയാളുടെ സ്വന്തം അക്കൗണ്ടിലേക്ക് 500ന്റെ 11 വ്യാജ നോട്ടുകൾ നിക്ഷേപിക്കാൻ ഏൽപിച്ച ശേഷം ഇയാൾ മടങ്ങിയെങ്കിലും സംശയം തോന്നിയ ‘ബാങ്ക് അധികൃതർ ചെങ്ങമനാട് സ്റ്റേഷനിൽ വിവരം അറിയിക്കുകയായിരുന്നു. ഇൻസ്പെക്ടർ സോണി മത്തായിയുടെ നേതൃത്വത്തിൽ പൊലീസ് ഇയാളെ ഗോതുരുത്തിൽ നിന്ന് അറസ്റ്റ് ചെയ്തു. നോട്ടുകളും…
പായൽ നിറഞ്ഞു; മത്സ്യബന്ധനം പ്രതിസന്ധിയിൽ
വൈപ്പിൻ: ജലോപരിതലത്തിൽ തിങ്ങി നിറഞ്ഞ പായലിലൂടെ വള്ളം തുഴയാൻ കഴിയാതെയും വലയിടാൻ കഴിയാതെയും മത്സ്യത്തൊഴിലാളികൾ. പലയിടത്തും വലവീശാനും നീട്ടാനും കഴിയുന്നില്ല. വല വീശിയാൽ ലഭിക്കുന്നത് പായലാണ്. ചീന വലകളിലും വലിയ തോതിലാണ് പായൽ വന്നടിയുന്നത്. പായൽ കുടുങ്ങുന്നതോടെ വലകൾ നശിക്കുകയാണെന്ന് തൊഴിലാളികൾ പറയുന്നു. ആഴ്ചകളായി പലയിടത്തും ചീന വലകൾ ഉയർത്തിവെച്ചിരിക്കുകയാണ്. വലിയ സാമ്പത്തിക നഷ്ടമാണ് ഇതുമൂലം ഉണ്ടാകുന്നതെന്ന് മത്സ്യത്തൊഴിലാളികൾ പറയുന്നു. പായൽ ശല്യത്തെ തുടർന്ന് മത്സ്യക്ഷാമവും രൂക്ഷമായി. പുഴയിൽ അടുത്തിടെയായി ചെമ്മീൻ സാന്നിധ്യം ദൃശ്യമായിരുന്നെങ്കിലും പായൽ ശല്യം…
പയ്യെപ്പയ്യെ, കിടന്ന് കിടന്ന് മടുപ്പിച്ച്; യാത്രക്കാർ ‘ഐലൻഡി’ൽ
കൊച്ചി: കന്യാകുമാരി-ബംഗളൂരു ഐലൻഡ് എക്സ്പ്രസ് എറണാകുളം ഔട്ടറിൽ അധികസമയം പിടിച്ചിടുന്നതിലൂടെയുള്ള യാത്രക്കാരുടെ ദുരിതത്തിന് ഇനിയും പരിഹാരമായില്ല. പാതിവഴിയിലിറങ്ങി മറ്റ് ഗതാഗത മാർഗം തേടേണ്ട ഗതികേടിലാണ് ജനം. ഇതിലൂടെ സ്ഥിരം യാത്രക്കാർക്ക് അധിക ചെലവാണ് ഉണ്ടാകുന്നത്. എറണാകുളം ടൗൺ റെയിൽവേ സ്റ്റേഷനിലേക്ക് എത്തുന്നതിന് മുമ്പാണ് ട്രെയിൻ അരമണിക്കൂറോളം ഔട്ടറിൽ പിടിച്ചിടുന്നത്. രാവിലെ 10.10ന് കന്യാകുമാരിയിൽ നിന്ന് ആരംഭിച്ച് കോട്ടയം വഴി എറണാകുളം നോർത്തിലെത്തി ബംഗളുരുവിലേക്ക് യാത്ര തുടരുന്ന ട്രെയിനാണ് ബാംഗ്ലൂർ ഐലൻഡ് എക്സ്പ്രസ്(16525). വൈകീട്ട് 4.55നാണ് ട്രെയിൻ തൃപ്പൂണിത്തുറ…
അങ്ങനെയങ്ങ് പറ്റിക്കാൻ വരട്ടെ!…
കൊച്ചി: സാധനസാമഗ്രികൾ വാങ്ങുമ്പോൾ വഞ്ചിക്കപ്പെടുന്നത്, ലഭ്യമാകേണ്ട സേവനങ്ങളിൽ വീഴ്ച വരുന്നത് എന്നിങ്ങനെ നീതി നിഷേധങ്ങളിൽ ഇരയാക്കപ്പെടുന്നുണ്ടോ?. ആശങ്കപ്പെടേണ്ട, പരിഹാരത്തിന് ഉപഭോക്തൃ തർക്ക പരിഹാര കമീഷനെ ബന്ധപ്പെടാം. നിങ്ങൾക്ക് ലഭിക്കേണ്ട നീതി അതിലൂടെ ഉറപ്പാക്കാം. ഏതാനും വർഷങ്ങൾക്കിടെ എറണാകുളം ജില്ല ഉപഭോക്തൃ തർക്ക പരിഹാര കമീഷനിൽ രജിസ്റ്റർ ചെയ്യുന്ന കേസുകളിൽ വൻ വർധനയാണുണ്ടായിരിക്കുന്നത്. കൊച്ചിയിലെ പ്രോപ്പർ ചാനൽ സംഘടന പ്രസിഡൻറ് എം.കെ. ഹരിദാസിന് വിവരാവകാശ നിയമപ്രകാരം ഉപഭോക്തൃ തർക്ക പരിഹാര കമീഷനിൽ നിന്ന് ലഭിച്ച മറുപടിയിലാണ് ഇക്കാര്യം വ്യക്തമാക്കുന്നത്.…
കൂട്ടുകാരുമൊത്ത് പെരിയാറിൽ കുളിക്കാനിറങ്ങിയ എൻജിനീയറിങ് വിദ്യാർഥി മുങ്ങിമരിച്ചു
ആലുവ: കൂട്ടുകാരുമൊത്ത് പെരിയാറിൽ കുളിക്കാനിറങ്ങിയ എൻജിനീയറിങ് വിദ്യാർഥി മുങ്ങിമരിച്ചു. മുപ്പത്തടം പൊന്നാരം കവലയിൽ കപ്പിത്താൻ പറമ്പിൽ വി.ജി. ലൈജുവിന്റെ മകൻ വൈഷ്ണവാണ് (18) മരിച്ചത്. ഞായറാഴ്ച്ച രാവിലെ 11 ഓടെ കിഴക്കെ കടുങ്ങല്ലൂർ പുന്നേലിക്കടവിലായിരുന്നു സംഭവം. ആലുവയിലെ ടർഫ് കോർട്ടിൽ ഫുട്ബാൾ കളി കഴിഞ്ഞ് മടങ്ങുംവഴി കൂട്ടുകാരുമൊത്ത് കുളിക്കാനിറങ്ങിയതായിരുന്നു. നീന്തൽ വശമില്ലാത്ത വൈഷ്ണവ് മുങ്ങിത്താഴുന്നത് കണ്ട് കൂടെയുണ്ടായ സുഹൃത്ത് രക്ഷപ്പെടുത്താൻ ശ്രമിച്ചെങ്കിലും ഫലമുണ്ടായില്ല. വിദ്യാർഥികൾ ഒച്ചവെച്ചതോടെ പ്രദേശവാസികൾ സ്ഥലത്ത് എത്തുകയും ആലുവ അഗ്നിരക്ഷാ സേനയെയും ഉളിയന്നൂർ സ്കൂബ…
ദേശീയപാത നിർമാണം; ചളിക്കുണ്ടായി വടക്കേക്കര അടിപ്പാത
പറവൂർ: ദേശീയപാത 66 വികസനത്തിന്റെ ഭാഗമായി വടക്കേക്കര പഴയ ദേശീയപാത പാലത്തിന് സമീപം അടിപ്പാതയിൽ ചളിയും വെള്ളക്കെട്ടും. വടക്കേക്കര ഗ്രാമ പഞ്ചായത്ത് 12ാം വാർഡിലെ ഓണത്തുക്കാട് പഴയ ദേശീയ പാത പാലത്തിന് സമീപം അടിപ്പാതയിൽ 17 കുടുംബങ്ങൾ ദുരിതത്തിലായിട്ട് ദിവസങ്ങളായി. ഇതുവഴി കാൽനട പോലും ദുസ്സഹമായിരിക്കുകയാണ്. സഞ്ചാര പാത ചളിക്കുണ്ടായതോടെ ബദൽ മാർഗമില്ലാതെ വിദ്യാർഥികളും പ്രായമായവരും ഉൾപ്പെടെയുള്ളവർ ദുരിതത്തിലാണ്. സർവിസ് റോഡിൽ യാത്രക്ക് ബദൽ സംവിധാനമൊരുക്കാത്തതിൽ പ്രതിഷേധം ഉയർന്നിട്ടുണ്ട്. സൈക്കിളും ഇരുചക്രവാഹനങ്ങളും ഉൾപ്പെടെ ഒരു വാഹനത്തിനും കടന്നുപോകാൻ…
പെൺകുട്ടിയെ തട്ടിക്കൊണ്ടുപോയ കേസിൽ ബംഗാൾ സ്വദേശി പിടിയിൽ
അങ്കമാലി: പ്രണയം നടിച്ച് പ്രായപൂർത്തിയാകാത്ത പെൺകുട്ടിയെ കടത്തിക്കൊണ്ടുപോയ കേസിൽ യുവാവിനെ മൂർഷിദാബാദിൽ നിന്ന് പിടികൂടി. പശ്ചിമ ബംഗാൾ മൂർഷിദാബാദ് ജാലങ്കി സ്വദേശി സബൂജിനെയാണ് (22) സംഭവം നടന്ന് ദിവസങ്ങൾക്കകം അങ്കമാലി പൊലീസ് പിടികൂടിയത്. അങ്കമാലി ഭാഗത്ത് വാടകക്ക് താമസിക്കുന്ന ഉത്തർപ്രദേശ് സ്വദേശികളായ ദമ്പതികളുടെ മകളെ കാണാതായതായി കഴിഞ്ഞ ഞായറാഴ്ച പൊലീസ് സ്റ്റേഷനിൽ പരാതി ലഭിച്ചു. അന്വേഷണത്തിൽ പ്രതി പെൺകുട്ടിയേയും കൊണ്ട് ബസിൽ ബംഗളുരുവിലെത്തിയതായും അവിടെ നിന്ന് വിമാനമാർഗം കൊൽക്കത്തയിലേക്ക് കടന്നതായും അറിഞ്ഞു. സബ് ഇൻസ്പെക്ടർ കെ. പ്രദീപ്…
പുല്ലുവഴി ഡബിള് പാലം നിര്മാണം അടുത്ത മാസം
പെരുമ്പാവൂര്: എം.സി റോഡിലെ പുല്ലുവഴി ഡബിള് പാലം നിര്മാണം നവംബര് പകുതിയോടെ ആരംഭിക്കാന് തീരുമാനം. ഇതുമായി ബന്ധപ്പെട്ട യോഗം രായമംഗലം പഞ്ചായത്ത് ഹാളില് ചേര്ന്നു. രായമംഗലം ഗ്രാമപഞ്ചായത്തിലൂടെ പോകുന്ന തായ്ക്കര ഭാഗത്തെ തായ്ക്കരച്ചിറ പാലം രണ്ട് പ്രത്യേക പാലങ്ങളായാണ് നിർമിച്ചിട്ടുള്ളത്. അതില് പഴയ പാലത്തിന്റെ സ്പാന് 7.70 മീറ്ററും വീതി 7.60 മീറ്ററുമാണ്. പഴയ പാലം പുനര്നിര്മിക്കുന്നതിനായി 2023 നവംബര് 28ന് 200 ലക്ഷം രൂപയുടെ ഭരണാനുമതി ലഭ്യമായിരുന്നു. സാങ്കേതികാനുമതി ലഭ്യമാക്കി 182.64 ലക്ഷത്തിന് ഈ മാസം…
മലയാളത്തിന്റെ സാംസ്കാരിക മുഖത്തിന് 98ന്റെ നിറവ്
കൊച്ചി: മലയാളത്തിന്റെ സാംസ്കാരിക മുഖത്തിന് ഇന്ന് 98 വയസ്സിന്റെ ചെറുപ്പം. തളരാത്ത ഊർജവുമായി സാഹിത്യ, സാംസ്കാരിക വേദികളിലെ നിറസാന്നിധ്യമായി മുന്നിൽ നിൽക്കുന്ന പ്രഫ. എം.കെ. സാനുവിനാണ് ഇന്ന് ജന്മദിനം. രാഷ്ട്രീയ, കലാസാംസ്കാരിക, സാമൂഹിക വേദികളിൽ യുവത്വത്തിന്റെ പ്രസരിപ്പോടെ സജീവമാണ് ഈ പ്രായത്തിലും അദ്ദേഹം. അക്ഷരങ്ങളെ ചേർത്തുപിടിക്കുന്നതാണ് സാനു മാഷിന്റെ പിറന്നാൾ ദിനവും. അദ്ദേഹം രചിച്ച ‘അന്തിമേഘങ്ങളിലെ വർണഭേദങ്ങൾ’ എന്ന പുസ്തകം ഇന്ന് പ്രകാശനം ചെയ്യപ്പെടും. സാഹിത്യവിമർശകനും എഴുത്തുകാരനുമായ എം.കെ. സാനുവിന്റെ ഓരോ പ്രഭാതവും തിരക്കേറിയതാണ്. സാഹിത്യരചന സാമൂഹിക…