Ernakulam News
മഴക്കാലമാണ്, സൂക്ഷിക്കണം പകർച്ചവ്യാധികളെ
കൊച്ചി: കടുത്ത വേനലിന് ശേഷം ശക്തമായ മഴയും വെള്ളക്കെട്ടുമുണ്ടായതോടെ പകർച്ചവ്യാധി ഭീഷണിയേറുന്നു. മലിനജലവും കൊതുക് പ്രജനനവുമാണ് പൊതുജനാരോഗ്യത്തിന് ആശങ്ക പടർത്തുന്നത്. മഴ ശക്തമായ കഴിഞ്ഞ ഒരാഴ്ചക്കുള്ളിൽ 65 പേർക്ക് ഡെങ്കിപ്പനി സ്ഥിരീകരിച്ചു. 82 പേർക്ക് ഡെങ്കി സംശയിക്കുന്നുണ്ട്. ഇക്കാലയളവിൽ 2620 പേർ ഒ.പിയിൽ പനിബാധിച്ച് ചികിത്സ തേടി. 74 പേരെ കിടത്തിച്ചികിത്സക്ക് നിർദേശിക്കുകയും ചെയ്തിട്ടുണ്ട്. സർക്കാർ ആശുപത്രികളിൽനിന്നുള്ള ഔദ്യോഗിക കണക്കുകൾ മാത്രമാണിത്. സ്വകാര്യ ആശുപത്രികളിൽ ചികിത്സ തേടിയവരുടെ കണക്കുകൾ ഇതിലുമേറെയുണ്ടാകും. ചൂർണിക്കര, എടത്തല (രണ്ട്), കളമശ്ശേരി (രണ്ട്),…
മോഷണം: നാടോടി സ്ത്രീകൾ പിടിയിൽ
കളമശ്ശേരി: ആക്രി പെറുക്കാനെന്ന വ്യാജന വീടുകളിലും സ്ഥാപനങ്ങളിലും മോഷണം നടത്തുന്ന നാടോടി സ്ത്രീകൾ കളമശ്ശേരി പൊലീസിന്റെ പിടിയിലായി. തമിഴ്നാട് കോയമ്പത്തൂർ സ്വദേശികളായ കാളിയമ്മ, ജ്യാതി, നാഗമ്മ എന്നിവരാണ് പിടിയിലായത്. വിവിധ സ്റ്റേഷനുകളിൽ കേസുള്ള ഇവർ ആക്രി പെറുക്കാനെന്ന വ്യാജേന വീടുകളിലെയും സ്ഥാപനങ്ങളിലെയും പരിസരത്തെത്തി നിരീക്ഷണം നടത്തിയ ശേഷം ആളില്ലാത്ത സമയം മോഷണം നടത്തി കടന്നുകളയുകയാണ് പതിവ്. വ്യാഴാഴ്ച ടോൾ ജങ്ഷന് സമീപം സാനിറ്ററി ഉൽപന്നങ്ങൾ വിൽക്കുന്ന സ്ഥാപനത്തിൽ പുതുതായി വന്ന ബാത്റൂം ഫിറ്റിങ് ഉൽപന്നങ്ങൾ ഡിസ്പ്ലേക്ക് വെക്കുന്നതിനു…
ഓട്ടോ കെട്ടിവലിച്ച് കൊണ്ടുപോകവേ കയർ കുടുങ്ങി ബൈക്ക് യാത്രികൻ മരിച്ചു
ആലുവ: ദേശീയപാതയിൽ കേടായ ഓട്ടോ കെട്ടിവലിച്ച് കൊണ്ടുപോകുന്നതിനിടെ കയർ കുടുങ്ങി ബൈക്ക് യാത്രികനായ വിദ്യാർഥി മരിച്ചു. മാറമ്പിള്ളി കുന്നത്തുകരയിൽ താമസിക്കുന്ന എളമന തൂമ്പളായിൽ പരേതനായ അബ്ബാസിന്റെ മകൻ ഫഹദാണ് (20) മരിച്ചത്. കളമശേരി ഗവ. ഐ.ടി.ഐ വിദ്യാർഥിയായ ഫഹദ് ക്ലാസിലേക്ക് പോകുമ്പോഴായിരുന്നു അപകടം. വെള്ളിയാഴ്ച രാവിലെ എട്ടു മണിയോടെ അമ്പാട്ടുകാവ് ഭാഗത്തെ യു ടേണിലാണ് ദാരുണ സംഭവം. കേടായ ഓട്ടോറിക്ഷയെ കയറുപയോഗിച്ച് മറ്റൊരു ഓട്ടോറിക്ഷ കെട്ടിവലിക്കുകയായിരുന്നു. എറണാകുളം ഭാഗത്തേക്കുള്ള റോഡിൽ നിന്ന് ആലുവ ഭാഗത്തേക്കുള്ള റോഡിലേക്ക് യു…
കുടിവെള്ളം പുനഃസ്ഥാപിക്കാനുള്ള ഉത്തരവ് നടപ്പാക്കിയില്ല; അസി. എക്സി. എൻജിനീയർക്ക് അറസ്റ്റ് വാറൻറ്
കൊച്ചി: കുടിവെള്ളം പുനഃസ്ഥാപിക്കാനുള്ള ഉത്തരവ് നടപ്പാക്കാത്തതിന് ജല അതോറിറ്റി അസി. എക്സിക്യൂട്ടിവ് എൻജിനീയർക്ക് അറസ്റ്റ് വാറൻറ്. കുടിവെള്ളമില്ലെങ്കിലും കൃത്യമായി ബില്ലടയ്ക്കണമെന്നും പരാതിപ്പെടില്ലെന്നും വീട്ടമ്മയിൽനിന്ന് എഴുതി വാങ്ങിയ അതോറിറ്റിയുടെ നടപടി അധാർമിക വ്യാപാര രീതിയാണെന്നും വീട്ടമ്മക്ക് 65,000 രൂപ നഷ്ടപരിഹാരവും കുടിവെള്ള ലഭ്യതയും ഉറപ്പാക്കണമെന്നുമുള്ള ഉപഭോക്തൃ തർക്ക പരിഹാര ഫോറത്തിന്റെ ഉത്തരവ് പാലിക്കാത്ത സാഹചര്യത്തിലാണ് വാറൻറ് പുറപ്പെടുവിച്ചത്. കൺസ്യൂമർ പ്രൊട്ടക്ഷൻ ആക്ട് സെക്ഷൻ 72 പ്രകാരം, ഉത്തരവ് പാലിക്കുന്നതിൽ വീഴ്ചവരുത്തിയ തൃപ്പൂണിത്തുറ സബ് ഡിവിഷൻ അസി. എക്സിക്യൂട്ടിവ് എൻജിനീയറെ…
യാത്രക്കാരന്റെ ബാഗ് കവർന്ന കേസിൽ ഒരാൾ അറസ്റ്റിൽ
ആലുവ: യാത്രക്കാരന്റെ ബാഗ് കവർന്ന കേസിൽ ഒരാൾ അറസ്റ്റിൽ. അസം താസ്പുർ സ്വദേശി അസദുൽ അലിയെയാണ് (22) ആലുവ പൊലീസ് അറസ്റ്റ് ചെയ്തത്. 28ന് രാത്രി പതിനൊന്നോടെയാണ് സംഭവം. നെടുമ്പാശ്ശേരിയിൽ ജോലി ചെയ്യുന്ന മലപ്പുറം സ്വദേശി സുഹൈലിന്റെ ബാഗാണ് സ്ത്രീവേഷം ധരിച്ചെത്തിയ അസദുൽ അടക്കമുള്ള സംഘം തട്ടിപ്പറിച്ച് കടന്നുകളഞ്ഞത്. നാട്ടിലേക്ക് പോകുന്നതിന് റെയിൽവേ സ്റ്റേഷനിൽ എത്തിയ സുഹൈൽ ഭക്ഷണം കഴിക്കാൻ പോകുമ്പോഴായിരുന്നു സംഭവം. പാസ്പോർട്ട്, ഡ്രൈവിങ് ലൈസൻസ് തുടങ്ങിയവ ബാഗിലുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.…
എം.ഡി.എം.എയുമായി പിടിയിൽ
മരട്: നെട്ടൂരിലെ ഫ്ലാറ്റിൽ നിന്ന് എം.ഡി.എം.എയുമായി രണ്ട് പേർ പിടിയിൽ. കണ്ണൂർ ചെങ്ങളായ് അരിമ്പ്ര പണിക്കരത്ത് വീട്ടിൽ ഷിഫാസ് (30), കണ്ണൂർ ചെങ്ങളായി പരിപ്പായി മുബീൻ (21) എന്നിവരെയാണ് കൊച്ചി ഡാൻസാഫ് സ്ക്വാഡും പനങ്ങാട് പൊലീസും നടത്തിയ പരിശോധനയിൽ പിടികൂടിയത്. വ്യാഴാഴ്ച വൈകീട്ട് നെട്ടൂരിൽ വാടകക്ക് താമസിക്കുന്ന ഫ്ലാറ്റിലെ റൂമിൽ നടത്തിയ പരിശോധനയിൽ ഇവരുടെ കയ്യിൽ നിന്നും ഫ്ലാസ്കിനടിയിലും ഒളിപ്പിച്ച നിലയിൽ 28 ഗ്രാം എം.ഡി.എം.എ കണ്ടെത്തുകയായിരുന്നുവെന്ന് പൊലീസ് പറഞ്ഞു.
വെള്ളപ്പൊക്ക ദുരിതാശ്വാസ മുന്നൊരുക്കം; യോഗത്തിൽ എം.എൽ.എയെ പങ്കെടുപ്പിച്ചില്ല
മൂവാറ്റുപുഴ: വെള്ളപ്പൊക്ക ദുരിതാശ്വാസ മുന്നൊരുക്കങ്ങൾ ചർച്ചചെയ്യാൻ ചേർന്ന യോഗത്തിൽ മാത്യു കുഴൽനാടൻ എം.എൽ.എയെ പങ്കെടുപ്പിച്ചില്ല. മൂവാറ്റുപുഴയാറിൽ വെള്ളപ്പൊക്കഭീതി ഉയർന്ന സാഹചര്യത്തിൽ എം.എൽ.എയുടെ നിർദേശപ്രകാരം വ്യാഴാഴ്ച ആർ.ഡി.ഒ ഓഫിസിൽ വിളിച്ച യോഗത്തിൽനിന്നാണ് അവസാന നിമിഷം പെരുമാറ്റച്ചട്ടം ചൂണ്ടിക്കാട്ടി എം.എൽ.എയെ ഒഴിവാക്കിയത്. ഇത് രാഷ്ട്രീയപ്രേരിതമാണന്ന ആരോപണം ഉയർന്നിട്ടുണ്ട്. യോഗം ആരംഭിക്കുന്നതിനുമുമ്പ് ആർ.ഡി.ഒ ഷൈജു ജേക്കബ് എം.എൽ.എയെ വിളിച്ച് പങ്കെടുക്കരുതെന്ന് അഭ്യർഥിക്കുകയായിരുന്നു. മുകളിൽനിന്നുള്ള നിർദേശമനുസരിച്ചാണ് ഇക്കാര്യം പറയുന്നതെന്നാണ് ആർ.ഡി.ഒ അറിയിച്ചത്. അടിയന്തര പ്രാധാന്യമുള്ള യോഗം മാറ്റിവെക്കേണ്ടെന്നും താൻ മാറിനിൽക്കാമെന്നും അറിയിച്ച് എം.എൽ.എ…
അമ്മയെ മർദിച്ച കേസിൽ വയോജനകേന്ദ്രം നടത്തിപ്പുകാരൻ അറസ്റ്റിൽ
മൂവാറ്റുപുഴ: ആരോരുമില്ലാത്ത വൃദ്ധജനങ്ങളെ സംരക്ഷിക്കുന്നതിന് വയോജന സംരക്ഷണ കേന്ദ്രം നടത്തുന്നയാളെ സ്വന്തം മാതാവിനെ മർദിച്ചെന്ന പരാതിയിൽ പൊലീസ് അറസ്റ്റ് ചെയ്തു. മൂവാറ്റുപുഴ നഗരസഭ മുൻ കൗൺസിലർ ബിനീഷ് കുമാറാണ് അറസ്റ്റിലായത്. കോടതിയിൽ ഹാജരാക്കിയ ഇയാളെ ജാമ്യത്തിൽ വിട്ടു. മൂവാറ്റുപുഴ നഗരസഭയുടെ കീഴിലെ വയോജന സംരക്ഷണ കേന്ദ്രം നടത്തിപ്പുകാരനായിരുന്നു ഇയാൾ. മാസങ്ങൾക്കുമുമ്പ് ഇവിടത്തെ അന്തേവാസികളായ നാല് വയോധികർ അജ്ഞാതരോഗം ബാധിച്ച് മരിച്ചതിനെത്തുടർന്ന് നഗരസഭ വയോജനകേന്ദ്രം അടച്ചുപൂട്ടിയിരുന്നു. തുടർന്ന് മറ്റൊരു പേരിൽ വയോജന സംരക്ഷണ കേന്ദ്രം നടത്തുകയാണ് ഇയാൾ.
മഴ തുടരുന്നു; വെള്ളക്കെട്ടും
കൊച്ചി: ചൊവ്വാഴ്ച മേഘവിസ്ഫോടനം സൃഷ്ടിച്ച തീവ്രമഴ പെയ്തിറങ്ങിയ ജില്ലയിൽ ബുധനാഴ്ച മഴയുടെ ശക്തി നേരിയ തോതിൽ കുറഞ്ഞു. ചൊവ്വാഴ്ച രാത്രിയിലും ബുധനാഴ്ച രാവിലെയും മഴ പൊതുവെ കുറവായിരുന്നു. ഈ സമയം ചിലയിടങ്ങളിൽ മാത്രമാണ് നേരിയ മഴ പെയ്തത്. എന്നാൽ, ഉച്ചകഴിഞ്ഞതോടെ എറണാകുളം നഗരത്തിലടക്കം കനത്ത മഴയുണ്ടായി. ഇതോടെ, മിക്ക റോഡുകളും മുങ്ങി. ഇടപ്പള്ളി, പാലാരിവട്ടം, കളമശ്ശേരി മൂലേപ്പാടം ഭാഗം, കാക്കനാട്, കെ.എസ്.ആർ.ടി.സി ബസ്സ്റ്റാൻഡ് പരിസരം തുടങ്ങിയ പ്രദേശങ്ങളിലായിരുന്നു വെള്ളക്കെട്ട് രൂക്ഷം. നായരമ്പലം പഞ്ചായത്ത് 14ാം വാർഡിൽ മംഗലശ്ശേരിയിൽ…
കടൽക്ഷോഭം: നിരവധി വീടുകളിൽ വെള്ളം കയറി
വൈപ്പിൻ: മഴ കനത്തതിനെ തുടർന്ന് നായരമ്പലം, വെളിയത്താം പറമ്പ്, എടവനക്കാട് പഴങ്ങാട് തീരങ്ങളിൽ കടൽക്ഷോഭം രൂക്ഷമായി. കടൽത്തിട്ടക്ക് മുകളിലൂടെയും താഴെയുള്ള വിടവുകളിലൂടെയും വൻതോതിൽ വെള്ളം കരയിലേക്ക് കയറി. വെളിയത്താംപറമ്പിൽ പത്തോളം വീടുകളിൽ വെള്ളം കയറി. തിരമാലകൾ ശക്തമായി തുടർന്നാൽ കൂടുതൽ വീടുകൾ വെള്ളത്തിലാകുമെന്ന് തീര്ദേശവാസികൾ പറഞ്ഞു. പഞ്ചായത്ത് അംഗങ്ങളും വില്ലേജ് അധികൃതരും സ്ഥലത്തെത്തി സ്ഥിതിഗതികൾ വിലയിരുത്തി. എടവനക്കാട് പഴങ്ങാട് തീരത്ത് കഴിഞ്ഞ ഏതാനും ദിവസങ്ങളായി തുടരുന്ന കലാക്ഷോഭം ബുധനാഴ്ച വൈകീട്ടാണ് ശക്തി പ്രാപിച്ചത്. ഇവിടെയും കടൽ തിട്ട…