Ernakulam News
‘വാത്സല്യ’ത്തോടെ 600 കുട്ടികൾക്ക് സംരക്ഷണം
കൊച്ചി: സർക്കാരിന് കീഴിലുള്ള ‘മിഷൻ വാത്സല്യ’ പദ്ധതി പ്രകാരം ജില്ലയിലെ ചൈൽഡ് കെയർ സ്ഥാപനങ്ങളിൽ പ്രവേശിപ്പിച്ചിരിക്കുന്നത് പ്രത്യേക ശ്രദ്ധയും സംരക്ഷണവും ആവശ്യമായ 600ഓളം കുട്ടികളെ. 48 ചൈൽഡ് കെയർ സ്ഥാപനങ്ങളാണ് ജില്ലയിലുള്ളത്. ഇതിൽ രണ്ടെണ്ണം സർക്കാർ ഉടമസ്ഥതിയിലുള്ളതും 46 എണ്ണം എൻ.ജി.ഒകൾക്ക് കീഴിലുള്ളതുമാണ്. അരക്ഷിതാവസ്ഥയിലുള്ള കുട്ടികളെയാണ് പ്രധാനമായും ഇവിടെ പ്രവേശിപ്പിക്കുന്നത്. വനിത, ശിശു വികസന വകുപ്പിന് കീഴിലുള്ള മിഷൻ വാത്സല്യ പദ്ധതി പ്രകാരം ചൈൽഡ് വെൽഫെയർ കമ്മിറ്റിയുടെ ഉത്തരവിലൂടെയാണ് കുട്ടികളെ പ്രവേശിപ്പിക്കുന്നത്. ജില്ല ശിശു സംരക്ഷണ ഓഫിസർക്കാണ്…
ഫുട്ബാള് കളിയിൽ മകനെ റെഡ് കാർഡ് നൽകി പുറത്താക്കിയതിന് കുട്ടികൾക്കുനേരെ വടിവാൾ വീശി പിതാവ്; അറസ്റ്റ്
മൂവാറ്റുപുഴ: കുട്ടികളുടെ ഫുട്ബാള് മത്സരത്തിനിടെ വടിവാളുമായെത്തി ഭീഷണിപ്പെടുത്തിയയാളെ പൊലീസ് അറസ്റ്റ് ചെയ്തു. പെരുമറ്റം പ്ലാമൂട്ടിൽ പി.എ. ഹാരിസാണ് (40) അറസ്റ്റിലായത്. ശനിയാഴ്ച വൈകീട്ടാണ് സംഭവം. മാറാടി കുരുകുന്നപുരം പഞ്ചായത്ത് ഗ്രൗണ്ടിൽ നടന്ന ടൂര്ണമെന്റിനിടെ ഹാരിസിന്റെ മകൻ ഫൗൾ ചെയ്തതിന് റെഡ് കാർഡ് നൽകി പുറത്താക്കിയിരുന്നു. ഇതിനുശേഷം കളിയില്നിന്ന് മാറ്റണമെന്നും ഗ്രൗണ്ടില്നിന്ന് പോകണമെന്നും റഫറിയും കളിക്കാരും ആവശ്യപ്പെട്ടെങ്കിലും കുട്ടി തയാറായില്ല. ഇതിനിടെ ഗ്രൗണ്ടിൽ തർക്കവുമുണ്ടായി. മകന് ഗ്രൗണ്ടിൽവെച്ച് മർദനമേറ്റെന്ന് പറഞ്ഞ് സ്ഥലത്തെത്തിയ ഹാരിസ് വടിവാളെടുത്ത് ഭീഷണി മുഴക്കുകയായിരുന്നു. കൂടെ…
പൈനാപ്പിൾ വില റെക്കോഡിലേക്ക്; കിലോക്ക് 55 രൂപ
മൂവാറ്റുപുഴ: പൈനാപ്പിൾ വില റെക്കോഡിലേക്ക്. കഴിഞ്ഞ പത്തുവർഷത്തിനിടെ ആദ്യമായാണ് മഴക്കാലത്തോടനുബന്ധിച്ച് വില 55ലെത്തുന്നത്. ഇതിന് മുമ്പ് 2022ൽ കടുത്ത വേനലിൽവില 60 രൂപയിൽ എത്തിയിരുന്നത് ഒഴിച്ചാൽ ഇത്രയും വില ഉയരുന്നത് ആദ്യമായാണ്. 2015ൽ 15 രൂപയായിരുന്നു വില. 2016ൽ ഇത് 45 രൂപയായി ഉയർന്നെങ്കിലും പിന്നീട് 2022 ൽ 60 എത്തി. 2023 ൽ 38 രൂപയായി. ഈ വർഷം 55ൽ എത്തി. പുറത്ത് വിൽപന നടത്തുന്നത് 70 രൂപമുതൽ 80 രൂപ വരേക്കാണ്. വർഷകാലത്ത് വില…
കല്ലേലിമേട്ടിലെയും മണികണ്ഠൻചാലിലെയും പട്ടയ നടപടികൾക്ക് തുടക്കം
കോതമംഗലം: കല്ലേലിമേട്ടിലെയും മണികണ്ഠൻ ചാലിലെയും പട്ടയ നടപടികൾക്ക് തുടക്കമായി. 1983-84 കാലത്ത് നടത്തിയ റവന്യൂ വനം വകുപ്പ് സംയുക്ത പരിശോധന ലിസ്റ്റിൽ ഉൾപ്പെട്ടവർക്കും ഭൂമി കൈമാറി കിട്ടിയവർക്കും റവന്യൂ ഭൂമി കൈവശം വെച്ചവർക്കുമാണ് ആദ്യഘട്ടത്തിൽ പട്ടയം അനുവദിക്കുന്നത്. കല്ലേലിമേട്, മണികണ്ഠൻ ചാൽ പ്രദേശത്ത് 800ഓളം കുടുംബങ്ങൾക്ക് പട്ടയം നൽകുന്നതിനുള്ള നടപടികൾക്കാണ് തുടക്കമായത്. വനം, റവന്യൂ വകുപ്പുകളുടെ സംയുക്ത പരിശോധന ലിസ്റ്റിൽ ഉൾപ്പെട്ടവരും അവരിൽ നിന്ന് ഭൂമി കൈമാറി കിട്ടിയവരും കോതമംഗലം ഭൂമി പതിവ് സ്പെഷ്യൽ ഓഫിസിൽ രണ്ടാം…
ഓണമ്പിള്ളി പാറക്കടവിൽ മുങ്ങിമരണം തുടർക്കഥ; സുരക്ഷാ സംവിധാനങ്ങൾ ഒരുക്കണമെന്ന ആവശ്യം ശക്തം
പെരുമ്പാവൂര്: പെരിയാറിലെ ഓണമ്പിള്ളി പാറക്കടവില് മുങ്ങിമരണങ്ങള് തുടര്ക്കഥയാകുമ്പോള് അപകടം ഒഴിവാക്കാനുള്ള സംവിധാനങ്ങള് ഒരുക്കണമെന്ന ആവശ്യം ശക്തമാകുന്നു. വെള്ളിയാഴ്ച 19 വയസ്സുള്ള മുഹമ്മദ് അല്ഫാസാണ് മുങ്ങിമരിച്ചത്. നാട്ടുകാര് കുളിക്കാനും മറ്റും ആശ്രയിക്കുന്ന ഒക്കല് പഞ്ചായത്ത് നാലാം വാര്ഡ് പാറക്കടവിലെ അപകട സാധ്യതകള് കണ്ടെത്തി പരിഹരിക്കണമെന്ന ആവശ്യവും ശക്തമാവുകയാണ്. ഇറിഗേഷന് പമ്പ് ഹൗസ് പ്രവര്ത്തിക്കുന്ന പ്രധാന കടവാണിത്. മൂന്ന് വര്ഷം മുമ്പ് അന്തര് സംസ്ഥാന തൊഴിലാളി മുങ്ങിമരിച്ചതാണ് ഒടുവിലെ സംഭവം. അതിന് മുമ്പും നിരവധി ആളുകള് ഇവിടെ മരിച്ചിരുന്നു. അപകടത്തില്പെട്ടവരെല്ലാം…
കാലികളുടെ മേച്ചിൽപുറമായി നെഹ്റു പാർക്ക്
മൂവാറ്റുപുഴ: നഗരമധ്യത്തിലെ നെഹ്റു പാർക്കിലെ മീഡിയനിലെ പുൽമേടുകൾ കാലികളുടെ മേച്ചിൽപുറമായി. നഗരസൗന്ദര്യവത്കരണത്തിന്റെ ഭാഗമായി സന്നദ്ധസംഘടനയുടെ നേതൃത്വത്തിൽ ലക്ഷങ്ങൾ ചെലവഴിച്ച് മീഡിയനുകളിൽ വെച്ചുപിടിപ്പിച്ച പുല്ലുകളാണ് കന്നുകാലികൾ തിന്നുതീർക്കുന്നത്. ദിവസം രണ്ടുനേരം വീതം നനച്ച് പരിപാലിക്കുന്നതാണ് പുൽമേട്. ലക്ഷങ്ങൾ ചെലവഴിച്ച് നട്ടുപിടിപ്പിക്കുകയും പരിപാലിക്കുകയും ചെയ്യുന്ന മീഡിയനുകളിലെ പുൽമേട് സ്വകാര്യവ്യക്തികൾ വളർത്തുന്ന കന്നുകാലികളും മറ്റും തിന്നുനശിപ്പിക്കുകയാണ്. പോത്തും പശുക്കളും മേയുന്നതിനാൽ പുൽമേടാകെ നാശത്തിന്റെ വക്കിലാണ്. ബുധനാഴ്ച നെഹ്റു പാർക്കിലെ മീഡിയനുകളിലാണ് പോത്തുകൾ മേഞ്ഞത്. ചാലിക്കടവ് ഭാഗത്തും മീഡിയനിൽ പശുക്കളും പോത്തുകളും പുൽമേട്…
സ്പെഷൽ ഡ്രൈവ്: ഒരു മാസം, 267 പ്രതികൾ
കൊച്ചി: ലഹരി വസ്തുക്കളുടെ ഉപയോഗം, കടത്ത്, വിൽപന കേസുകളിൽ വർധന. ഓണക്കാലത്തോടനുബന്ധിച്ച് ഒരു മാസത്തിനിടെ എക്സൈസിന്റെ നേതൃത്വത്തിൽ നടത്തിയ പരിശോധനയിൽ അബ്കാരി-ലഹരിക്കേസുകളിലായി 267 പ്രതികളെ പിടികൂടി. ആഗസ്റ്റ് 14 മുതൽ സെപ്റ്റംബർ 18 വരെ വരെയുള്ള സ്പെഷൽ ഡ്രൈവിൽ എറണാകുളം ഡിവിഷനിൽ 1649 റെയ്ഡുകളാണ് എക്സൈസ് നടത്തിയത്. ഇതോടൊപ്പം വിവിധ വകുപ്പുകളുമായി ചേർന്ന് 41 സംയുക്ത റെയ്ഡും 4235 വാഹന പരിശോധനയും നടത്തി. 100 ലഹരിക്കേസുകളിലായി 100 പ്രതികളാണ് ഒരുമാസത്തിനിടെ അറസ്റ്റിലായത്. 28.909 കിലോ…
ഫോർട്ട്കൊച്ചി ബീച്ച് തീവ്രശുചീകരണ പദ്ധതിക്ക് തുടക്കം
ഫോർട്ട്കൊച്ചി: അന്താരാഷ്ട്ര തീരശുചീകരണ ദിനത്തോട് ഐക്യദാർഢ്യം പ്രഖ്യാപിച്ച് ഒരുമാസം നീളുന്ന ഫോർട്ട്കൊച്ചി ബീച്ച് തീവ്രശുചീകരണ പദ്ധതി കെ.ജെ. മാക്സി എം.എൽ.എ ഉദ്ഘാടനം ചെയ്തു. സബ് കലക്ടർ കെ. മീര അധ്യക്ഷത വഹിച്ചു. ഹെറിറ്റേജ് സോൺ കൺസർവേഷൻ സൊസൈറ്റിയും പ്ലാൻ അറ്റ് എർത്തും ജില്ല ടൂറിസം പ്രമോഷൻ കൗൺസിലും ചേർന്നാണ് പദ്ധതി നടപ്പാക്കുന്നത്. കായലിലൂടെ ഒഴുകിയെത്തി ഫോർട്ട്കൊച്ചിയിൽ അടിഞ്ഞുകൂടുന്ന നൂറുകണക്കിന് ടൺ കുളവാഴയും പ്ലാസ്റ്റിക്, കുപ്പിച്ചില്ല്, തെർമോകോൾ മാലിന്യങ്ങളും നീക്കംചെയ്യും. മാലിന്യം സംഭരിച്ച് തരംതിരിച്ച് ചാക്കുകളിൽ ശേഖരിച്ച് റീസൈക്കിൾ…
ഓട്ടോറിക്ഷകള്ക്ക് ബോണറ്റ് നമ്പറും സ്റ്റാന്ഡും ഏർപ്പെടുത്തിയത് അംഗീകാരമില്ലാതെ
പെരുമ്പാവൂര്: ടൗണില് ഓട്ടോറിക്ഷകള്ക്ക് ബോണറ്റ് നമ്പര് സംവിധാനവും സ്റ്റാന്ഡും ഏര്പ്പെടുത്തിയത് അംഗീകാരമില്ലാതെ. ഇതുസംബന്ധിച്ച ഉത്തരവിന്റെ കോപ്പി ഓഫിസില് സൂക്ഷിച്ചിട്ടില്ലെന്ന് ജോയൻറ് ആര്.ടി ഓഫിസ് വ്യക്തമാക്കിയതോടെയാണ് അംഗീകാരത്തോടെയല്ലെന്ന വിവരം പുറത്തുവരുന്നത്. ടൗണില് സ്ഥിരമായി ഓടിയിരുന്ന ഓട്ടോറിക്ഷകളുടെ അനിയന്ത്രിത പാര്ക്കിങ് ഒഴിവാക്കി അടുക്കും ചിട്ടയും വരുത്തുന്നതിന്റെ ഭാഗമായി 2012-13 കാലഘട്ടത്തിലാണ് സ്ഥിരമായി ഓടുന്നവർക്ക് പാര്ക്കിങ് നിയന്ത്രണം ഏര്പ്പെടുത്തിയത്. തുടര്ന്ന് ടൗണില് സര്വിസ് നടത്തുന്ന ഓട്ടോറിക്ഷകളുടെ കണക്ക് യൂനിയനുകളുടെ സഹകരണത്തോടെ ശേഖരിച്ചു. ഇതിന്റെ അടിസ്ഥാനത്തില് കൃത്യമായ പെര്മിറ്റുള്ള ആയിരത്തോളം ഓട്ടോകള് പൊതുജനങ്ങള്ക്കും…
യുവാവിനെ വീട്ടിൽക്കയറി വെട്ടി; നാലംഗ സംഘം അറസ്റ്റില്
മൂവാറ്റുപുഴ: യുവാവിനെ വീട്ടില്ക്കയറി വെട്ടിക്കൊലപ്പെടുത്താന് ശ്രമിച്ച കേസില് നാലു പേരെ പൊലീസ് അറസ്റ്റ്ചെയ്തു.ഈസ്റ്റ് കടാതി സംഗമം പടിഭാഗത്ത് കരിപ്പുറത്ത് വീട്ടില് അഭിലാഷ് (43), ചെറുവട്ടൂര് പുതുക്കുടിയില് വീട്ടില് അമല് (29), കോതമംഗലം കാരക്കുന്നത്ത് വാടകക്ക് താമസിക്കുന്ന ആരക്കുഴ തോട്ടക്കര പുതിയ വീട്ടില് പ്രിൻറോ (40), ചെറുവട്ടൂരില് വാടകക്ക് താമസിക്കുന്ന വാഴപ്പിള്ളി മന്നാംകുഴി വീട്ടില് മഹേഷ് (കണ്ണന് 41) എന്നിവരെയാണ് അറസ്റ്റ് ചെയ്തത്. കടാതി വളക്കുഴി സ്വദേശി ഇരുപതുകാരനെയാണ് ആക്രമിച്ചത്. യുവാവിനെ മൂവാറ്റുപുഴയിലെ ആശുപത്രിയില് പ്രവേശിപ്പിച്ചു. വ്യക്തിവൈരാഗ്യമാണ് സംഭവത്തിന്…