Ernakulam News
കേടായ ബൾബുകൾ പ്രകാശിപ്പിച്ച് ഇരിങ്ങോൾ സ്കൂൾ വിദ്യാർഥികൾ
പെരുമ്പാവൂര്: പഠനവും ഊര്ജ സംരക്ഷണവും ലക്ഷ്യമിട്ട് സ്വയം തൊഴില് പരിശീലനത്തിലാണ് ഇരിങ്ങോള് സര്ക്കാര് വി.എച്ച്.എസ് സ്കൂളിലെ നാഷനല് സര്വീസ് സ്കീം യൂനിറ്റ് വിദ്യാര്ഥികള്. ഇതിന്റെ ഭാഗമായി വിദ്യാലയത്തിലെ വിവിധ ക്ലബുകളുടെ സഹകരണത്തോടെ സ്പെഷല് കെയര് സെന്ററിലെ ഭിന്നശേഷിക്കാരായ വിദ്യാര്ഥികള് ഉള്പ്പെടെ തെരഞ്ഞെടുക്കപ്പെട്ട കുട്ടികള് എല്.ഇ.ഡി ബള്ബ് നിര്മാണം പരിശീലിക്കുകയാണ്. കേടായ ബള്ബുകള് പ്രവര്ത്തിപ്പിച്ച് നല്കുന്നതിലൂടെ നാട്ടുകാര്ക്കും സഹായകരമാണ് ഇവരുടെ പ്രവര്ത്തനം. വിദ്യാര്ഥികള് സ്കൂള് പരിസര പ്രദേശങ്ങളിലെ വീടുകളില് പോയി പഴയ അറുന്നൂറോളം കേടായ ബള്ബുകള് ശേഖരിച്ചു. ആക്രി…
റോളര് സ്കേറ്റിങ് അന്താരാഷ്ട്ര ചാമ്പ്യന്ഷിപ്പിനൊരുങ്ങി വിദ്യാര്ഥിനികള്
പെരുമ്പാവൂര്: ഇറ്റലിയില് നടക്കുന്ന അന്താരാഷ്ട്ര റോളര് സ്കേറ്റിങ് ചാമ്പ്യന്ഷിപ്പില് ‘വേള്ഡ് സ്കേറ്റ് ഗെയിംസ് ഇറ്റാലിയ – 2024’ പങ്കെടുക്കാന് ചരിത്രത്തിലാദ്യമായി കേരളത്തില് നിന്ന് രണ്ട് പെണ്കുട്ടികള്. പെരുമ്പാവൂര് ആര്.എഫ്.ഒ ക്ലബ് അംഗങ്ങളായ എ.എ. അബ്ന, ഗായത്രി ലീമോന് എന്നിവരാണ് ഇന്ത്യന് ടീമിനെ പ്രതിനിധീകരിക്കുന്നത്. 10 കൊല്ലമായി ആര്.എഫ്.ഒ ക്ലബ്ബില് റോളര് സ്കേറ്റിങ് പരിശീലിക്കുന്ന അബ്ന സ്പീഡ് സ്കേറ്റിങ് സീനിയര് വിഭാഗത്തിലും ഗായത്രി ചെങ്കുത്തായ മലഞ്ചെരിവുകളിലൂടെ നടക്കുന്ന ഡൗണ് ഹില് സ്കേറ്റിങ് വിഭാഗത്തിലുമാണ് മാറ്റുരക്കുന്നത്. 2021ലും 2023ലും ദേശീയ…
ഡെങ്കിപ്പനി വ്യാപനം ടൂറിസം മേഖലയെ ബാധിക്കുന്നു
മട്ടാഞ്ചേരി: ഡെങ്കി പനി വ്യാപനവും, മരണ റിപ്പോർട്ടുകളും കൊച്ചിയിലെ വിനോദ സഞ്ചര മേഖലക്ക് തിരിച്ചടിയാകുന്നു. ഓണാഘോഷത്തോടനുബന്ധിച്ചും, സീസൺ ആരംഭിച്ചതിനാലും സഞ്ചാരികളുടെ വരവ് തുടങ്ങിയ സമയത്ത് ഉടലെടുത്ത പ്രതിസന്ധി മറിക്കടക്കാനുള്ള ശ്രമത്തിലാണ് ടുറിസം മേഖലയിലുള്ളവർ. ഓണാഘോഷമില്ലെന്ന പ്രചരാണങ്ങൾക്ക് പിന്നാലെ പനി പകർച്ച കൂടി പ്രചാരത്തിലായതോടെ ആശങ്ക ഏറിയിരിക്കുകയാണ്. ജില്ലയുടെ വിവിധ മേഖലകളിൽ ഡെങ്കിപനി വ്യാപിക്കുന്നത് നവമാധ്യമങ്ങളിൽ പ്രചരിച്ചതോടെ വിദേശ വിനോദ സഞ്ചാരികളടക്കം ഒട്ടേറെ പേർ മടങ്ങിയതായും ബുക്കിങ്ങുകൾ റദ്ദാക്കിയതായും ടൂർ ഓപറേറ്റർമാരും ഹോം സ്റ്റേ ഉടമകളും ചുണ്ടിക്കാട്ടുന്നു. വിദേശ…
പെരുമ്പാവൂര് സ്റ്റേഷനില് ആറു പൊലീസുകാരെ നിയമിച്ചു
പെരുമ്പാവൂര്: പൊലീസുകാരില്ലാതെ നട്ടംതിരിഞ്ഞ പെരുമ്പാവൂര് സ്റ്റേഷനില് ആറ് സി.പി.ഒമാരെ നിയമിച്ചു. ‘ആവശ്യത്തിന് പൊലീസ് ഇല്ല; പെരുമ്പാവൂരിലെ ക്രമസമാധാനപാലനം പ്രതിസന്ധിയില്’ എന്ന തലക്കെട്ടില് ‘മാധ്യമം’ കഴിഞ്ഞ ദിവസം വാര്ത്ത നൽകിയിരുന്നു. ഇതിനുപിന്നാലെയാണ് ജില്ല പൊലീസ് മേധാവി ഇത് സംബന്ധിച്ച് ഉത്തരവിറക്കിയത്. റൂറല് ജില്ലയില് ക്യാമ്പില് നിന്ന് 10 പേരെ നിയമിച്ചതില് ആറുപേരും പെരുമ്പാവൂരിലാണ്. നാലുപേരെ ആലുവ വെസ്റ്റ് സ്റ്റേഷനില് നിയമിച്ചു. 65 പൊലീസുകാര് വേണ്ട റൂറല് ജില്ലയിലെ ഏറ്റവും തിരക്കുളള സ്റ്റേഷനില് 49 പൊലീസുകാരാണ് ഉണ്ടായിരുന്നത്. ഇപ്പോൾ വരുന്നവർ…
കെട്ടിട നിര്മാണ, വയറിങ് സാമഗ്രികളുടെ കവര്ച്ച വ്യാപകം
പെരുമ്പാവൂര്: കെട്ടിട നിര്മാണ സാധനങ്ങളുടെയും വയറിങ് സാമഗ്രികളുടെയും മോഷണം പതിവാകുന്നു. പെരുമ്പാവൂരിൽ ഒരാഴ്ചയ്ക്കിടെ അഞ്ചു മോഷണങ്ങളാണ് ഉണ്ടായത്. ഇതില് മൂന്നു കേസുകളില് പൊലീസ് പ്രതികളെ പിടികൂടി. ചേലാമറ്റം ക്ഷേത്ര പരിസരത്ത് സ്വകാര്യ വ്യക്തി നിര്മിക്കുന്ന ഷെഡ്ഡില് നിന്ന് നിര്മാണത്തിന് ആവശ്യമായ കമ്പികളും മറ്റ് വയറിങ് സാമഗ്രികളും മോഷണം പോയതാണ് ഒടുവിലത്തെ സംഭവം. ഇതില് മൂന്നു പ്രതികളെയാണ് അറസ്റ്റ് ചെയ്തത്. വെസ്റ്റ് ബംഗാള് സ്വദേശികളായ നൈതാനത്ത് ദാസ്, മിന്സാറുല് മുല്ല, റഫീഖുല് എന്നിവരാണ് പിടിയിലായത്. മോഷണ വസ്തുക്കള് ആക്രി…
ഹിറ്റടിച്ച് ആനവണ്ടി ട്രിപ്
കൊച്ചി: പല ടൂറിസം കേന്ദ്രങ്ങളിലേക്കും കുടുംബവുമൊന്നിച്ച് യാത്ര പോകണമെന്ന് ആഗ്രഹമുണ്ടെങ്കിലും സാധാരണക്കാരെ സംബന്ധിച്ച് സ്വന്തമായി വാഹനമില്ലാത്തതും വലിയ യാത്രാചെലവുമാണ് പിന്നോട്ടടിപ്പിക്കുന്നത്. എന്നാൽ, അത്തരം ആശങ്കകളെ ഇല്ലാതാക്കി കുടുംബവുമൊത്ത് ചെലവ് കുറഞ്ഞ യാത്രകൾ സാധ്യമാക്കി വിജയക്കുതിപ്പ് തുടരുകയാണ് കെ.എസ്.ആർ.ടി.സിയുടെ ബജറ്റ് ടൂറിസം. ജില്ലയിലെ വിവിധ ഡിപ്പോകളിൽ നിന്നുള്ള എല്ലാ പാക്കേജുകളും വിജയമാണെന്ന് കണക്കുകൾ ചൂണ്ടിക്കാട്ടുന്നു. മൂന്നാർ-മാമലക്കണ്ടം, മൂന്നാർ-വട്ടവട, മറയൂർ-കാന്തല്ലൂർ, രാമക്കൽമേട്, ഇല്ലിക്കകല്ല്-ഇലവീഴാപൂഞ്ചിറ, മലക്കപ്പാറ, ചതുരംഗപ്പാറ, വാഗമൺ-പരുന്തുംപാറ, എന്നിവിടങ്ങളിലേക്കാണ് ജില്ലയിൽ നിന്ന് നിലവിൽ പ്രധാനമായി ബജറ്റ് ടൂറിസത്തിൽ ഉൾപ്പെടുത്തി ട്രിപ്പുകൾ…
കൊച്ചി-ദുബൈ സ്പൈസ് ജെറ്റ് വിമാനം പുറപ്പെട്ടില്ല; യാത്രക്കാർ വലഞ്ഞു
നെടുമ്പാശ്ശേരി: കൊച്ചിയിൽ നിന്നും ദുബൈയിലേക്കുള്ള സ്പൈസ് ജെറ്റ് വിമാനം പുറപ്പെട്ടില്ല. ഇന്നലെ രാത്രി 11.30ന് പുറപ്പെടേണ്ട വിമാനമാണ് പുറപ്പെടാതിരുന്നത്. ഇതേതുടർന്ന് നെടുമ്പാശ്ശേരി വിമാനത്താവളത്തിലെത്തിയ യാത്രക്കാർ വലഞ്ഞു. കോഴിക്കോട് നിന്ന് മറ്റൊരു വിമാനമെത്തിച്ച് രാവിലെ 11.30ന് യാത്ര പുറപ്പെടുമെന്ന് അധികൃതർ അറിയിച്ചു.
എൽ.കെ.ജി വിദ്യാർഥിനിയെ തട്ടിക്കൊണ്ടുപോകാൻ ശ്രമിച്ചയാൾ പിടിയിൽ
മട്ടാഞ്ചേരി: എൽ.കെ.ജി വിദ്യാർഥിനിയെ സ്കൂളിലെത്തി തട്ടിക്കൊണ്ടുപോകാൻ ശ്രമിച്ചയാളെ അറസ്റ്റ് ചെയ്തു. കണ്ണമാലി പുത്തൻതോട് മണിയാമുഴി വീട്ടിൽ സച്ചിനെയാണ് (29) തോപ്പുംപടി പൊലീസ് സബ് ഇൻസ്പെക്ടർ സിനു ലാലിന്റെ നേതൃത്വത്തിൽ അറസ്റ്റ് ചെയ്തത്. വ്യാഴാഴ്ച രാവിലെ ഒമ്പതരയോടെ തോപ്പുംപടിയിലെ സ്കൂളിൽനിന്നാണ് കുട്ടിയെ കൊണ്ടുപോകാൻ ശ്രമിച്ചത്. സ്കൂളിലെത്തിയ ഇയാൾ കണ്ണമാലി ചെറിയകടവ് സ്വദേശിനിയായ കുട്ടിയുടെ പേരു പറഞ്ഞ്, വീട്ടിൽനിന്ന് വഴക്കിട്ടുപോയ സഹോദരനാണെന്നും കൂട്ടിക്കൊണ്ടു പോകണമെന്നും പറഞ്ഞാണ് അധ്യാപികയെ സമീപിച്ചത്. സംശയം തോന്നിയ അധ്യാപിക കുട്ടിയുടെ മാതാവിന് ഫോൺ ചെയ്തപ്പോൾ കുട്ടിക്ക്…
സ്കൂളുകളിൽ വിദ്യാർഥികൾക്ക് ഇനി അതിജീവന കരുത്തും
കൊച്ചി: പ്രകൃതി ദുരന്തങ്ങളിൽ ശാസ്ത്രീയ മുൻകരുതലെടുക്കാനും അതിജീവനത്തിനുമായി സ്കൂളുകളിൽ പൊതുവിദ്യാഭ്യാസ വകുപ്പിന്റെ ‘സ്കൂൾ സോഷ്യൽ സർവിസ് സ്കീമിൽ’ ഉൾപ്പെടുത്തി പദ്ധതി ഒരുങ്ങുന്നു. പരീക്ഷണാർഥം തുടങ്ങിയ പദ്ധതി അടുത്ത വർഷം കൂടുതൽ സ്കൂളുകളിലേക്ക് വ്യാപിപ്പിക്കും. മൂന്നുവർഷത്തെ പരിശീലനം പൂർത്തിയാക്കി പദ്ധതിയുടെ ആദ്യ ബാച്ച് അടുത്ത മാർച്ചോടെ പുറത്തിറങ്ങും. കാലാവസ്ഥ വ്യതിയാനത്തിന് ആക്കം കുറക്കാൻ ഒരു വ്യക്തിയെന്ന നിലയിൽ പ്രവർത്തിക്കാൻ വിദ്യാർഥികളെ സജ്ജരാക്കുക എന്ന ലക്ഷ്യമടക്കം ഉൾപ്പെടുത്തിയാണ് 280 സ്കൂളുകളിലായി സ്കൂൾ സോഷ്യൽ സർവിസ് സ്കീം പദ്ധതി തയാറാക്കിയിരിക്കുന്നത്.…
സൂപ്പർ ഡ്രൈവർ ലക്ഷ്മി
പള്ളിക്കര: കേരളത്തിൽ ഹസാഡസ് ലൈസൻസ് ലഭിച്ച ഏറ്റവും പ്രായം കുറഞ്ഞ വനിതയെന്ന പേരെടുത്ത് ലക്ഷ്മി. പെട്രോളിയം ഉൽപന്നങ്ങൾ കൊണ്ടുപോവുന്ന വാഹനങ്ങൾ ഓടിക്കാൻ ഹെവി ലൈസൻസിന് പുറമേ വേണ്ട ഹസാഡസ് ലൈസൻസ് 21ാം വയസ്സിൽ കരസ്ഥമാക്കിയിരിക്കുകയാണ് പള്ളിക്കര വെമ്പിള്ളി സ്വദേശിയായ ലക്ഷ്മി. ഇപ്പോൾ ഭാരത് ബെൻസിന്റെ ടാങ്കർ ലോറി ഓടിക്കുകയാണ് ലക്ഷ്മി. അപൂർവം സ്ത്രീകൾ മാത്രമാണ് ഹസാഡസ് ലൈസൻസ് എടുക്കാറുള്ളു. ചെറുപ്പം മുതലുള്ള ആഗ്രഹമായിരുന്നു ഹസാഡസ് ലൈസൻസ് എടുക്കുകയെന്നത്. ടാങ്കർ ഡ്രൈവറായ പിതാവ് അനന്തകൃഷണന്റെ കൂടെ മൂന്നു വയസ്സ്…