വ​ർ​ണാ​ഭ​മാ​യി സ്കൂ​ൾ പ്ര​വേ​ശ​നോ​ത്സ​വം

കൊ​ച്ചി: മി​ന്നി​ത്തി​ള​ങ്ങു​ന്ന വ​ർ​ണ​ക്ക​ട​ലാ​സു​ക​ളാ​ൽ തീ​ർ​ത്ത കു​ഞ്ഞു​തൊ​പ്പി​ക​ൾ… നോ​ക്കു​ന്നി​ട​ത്തെ​ല്ലാം പാ​റി​പ്പ​റ​ക്കു​ന്ന ബ​ലൂ​ണു​ക​ളും തോ​ര​ണ​ങ്ങ​ളും… എ​ങ്ങും പു​ത്ത​നു​ടു​പ്പ​ണി​ഞ്ഞ കു​രു​ന്നു​ക​ൾ നി​റ​യെ പൂ​ക്ക​ളു​ള്ള പൂ​ന്തോ​ട്ട​ത്തി​ലെ പൂ​മ്പാ​റ്റ​ക​ളെ പോ​ലെ പാ​റി​ന​ട​ക്കു​ന്നു… ഇ​ട​ക്ക് മാ​ത്രം വീ​ട്ടി​ൽ പോ​കാ​മെ​ന്നു പ​റ​ഞ്ഞു​ള്ള ചി​ല​രു​ടെ ചി​ണു​ങ്ങ​ലു​ക​ളും…

-ര​ണ്ടു​മാ​സ​ത്തെ അ​വ​ധി​ക്കു​ശേ​ഷം അ​റി​വി​ന്‍റെ ആ​ഘോ​ഷ​ത്തി​ലേ​ക്ക് സ്കൂ​ളു​ക​ൾ തു​റ​ന്ന​പ്പോ​ഴു​ള്ള ക​ള​ർ​ഫു​ൾ കാ​ഴ്ച​ക​ളാ​യി​രു​ന്നു ഇ​തെ​ല്ലാം. ജി​ല്ല​യി​ലെ എ​ല്ലാ സ്കൂ​ളു​ക​ളി​ലും പ്ര​വേ​ശ​നോ​ത്സ​വം വ​ർ​ണാ​ഭ​മാ​ക്കി​യാ​ണ് ആ​ഘോ​ഷി​ച്ച​ത്. അ​ല​ങ്കാ​ര​ങ്ങ​ളും വാ​ദ്യ​മേ​ള​ങ്ങ​ളു​മാ​യി ഉ​ത്സ​വ പ്ര​തീ​തി​യാ​യി​രു​ന്നു പ​ല സ്കൂ​ളു​ക​ളി​ലും ഉ​ണ്ടാ​യി​രു​ന്ന​ത്.

 സ​മ്മാ​ന​ങ്ങ​ൾ കൈ​നി​റ​യെ..

ഇ​ത്ത​വ​ണ പു​തു​താ​യി ഒ​ന്നാം ക്ലാ​സി​ൽ ചേ​ർ​ന്ന കൊ​ച്ചു​മി​ടു​ക്ക​രെ സ​മ്മാ​ന​ങ്ങ​ൾ ന​ൽ​കി​യാ​ണ് സ്കൂ​ളു​ക​ളെ​ല്ലാം വ​ര​വേ​റ്റ​ത്. മി​ഠാ​യി, ല​ഡു, ബ​ലൂ​ൺ, വ​ർ​ണ​ത്തൊ​പ്പി തു​ട​ങ്ങി​യ​വ​യും കു​രു​ന്നു​ക​ളെ കാ​ത്തി​രി​പ്പു​ണ്ടാ​യി​രു​ന്നു. ച​ട​ങ്ങ് ന​ട​ക്കു​ന്ന വേ​ദി​യി​ലേ​ക്ക് ഒ​ന്നാം​ക്ലാ​സി​ൽ ചേ​ർ​ന്ന കു​ട്ടി​ക​ൾ ഓ​രോ​രു​ത്ത​രെ​യാ​യി പേ​രെ​ടു​ത്ത് വി​ളി​ച്ചാ​ണ് പ​ഠ​നോ​പ​ക​ര​ണ​ങ്ങ​ള​ട​ങ്ങി​യ സ​മ്മാ​ന​പ്പൊ​തി ന​ൽ​കി​യ​ത്. പു​തി​യൊ​രു ലോ​ക​ത്തേ​ക്ക് ആ​ദ്യ​മാ​യി പ്ര​വേ​ശി​ക്കു​ന്ന ദി​വ​സ​മാ​യ​തി​നാ​ൽ കു​രു​ന്നു​ക​ളു​ടെ​യെ​ല്ലാം കൂ​ടെ മാ​താ​പി​താ​ക്ക​ളും കു​ടും​ബാം​ഗ​ങ്ങ​ളും സ്കൂ​ളി​ലെ​ത്തി​യി​രു​ന്നു. പ്ര​വേ​ശ​നോ​ത്സ​വ ച​ട​ങ്ങി​നു ശേ​ഷം ര​ക്ഷി​താ​ക്ക​ൾ​ക്കാ​യി ല​ഹ​രി വി​രു​ദ്ധ ക്ലാ​സു​ക​ളും സം​ഘ​ടി​പ്പി​ച്ചു.

ആ​ഘോ​ഷ​മാ​യി വര​വേ​ൽ​പ്പ്

ഒ​ന്നി​ച്ച് ഒ​ന്നാ​യി ഒ​ന്നാ​വാം എ​ന്ന ടാ​ഗ് ലൈ​നോ​ടെ​യാ​ണ് പൊ​തു​വി​ദ്യാ​ഭ്യാ​സ വ​കു​പ്പ് ഇ​ത്ത​വ​ണ സ്കൂ​ൾ പ്ര​വേ​ശ​നോ​ത്സ​വം ഒ​രു​ക്കി​യ​ത്. എ​ല്ലാ സ്കൂ​ളു​ക​ളി​ലും പ്ര​വേ​ശ​നോ​ത്സ​വ ച​ട​ങ്ങു​ക​ളും ഒ​രു​ക്കി​യി​രു​ന്നു. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ആ​ല​പ്പു​ഴ ക​ല​വൂ​ർ ഗ​വ. എ​ച്ച്.​എ​സ്.​എ​സി​ൽ ന​ട​ത്തി​യ സം​സ്ഥാ​ന ത​ല പ്ര​വേ​ശ​നോ​ത്സ​വ​ത്തി​ന്‍റെ ഉ​ദ്ഘാ​ട​ന ച​ട​ങ്ങും വി​വി​ധ സ്കൂ​ളു​ക​ളി​ൽ പ്ര​ദ​ർ​ശി​പ്പി​ച്ചു.

ജി​ല്ല​ത​ല ഉ​ദ്ഘാ​ട​നം പ​ടി​ഞ്ഞാ​റെ ക​ടു​ങ്ങ​ല്ലൂ​ർ ഗ​വ. എ​ച്ച്.​എ​സ്.​എ​സി​ൽ മ​ന്ത്രി പി. ​രാ​ജീ​വ് നി​ർ​വ​ഹി​ച്ചി​രു​ന്നു. ഉ​പ​ജി​ല്ല​ത​ല​ങ്ങ​ളി​ലും പ​ഞ്ചാ​യ​ത്ത് ത​ല​ങ്ങ​ളി​ലു​മെ​ല്ലാം പ്ര​വേ​ശ​നോ​ത്സ​വ പ​രി​പാ​ടി​ക​ൾ ന​ട​ത്തി. ജ​ന​പ്ര​തി​നി​ധി​ക​ളെ​യും സ്കൂ​ൾ പ​രി​സ​ര​ങ്ങ​ളി​ലെ പ്ര​മു​ഖ​രെ​യു​മെ​ല്ലാം പ​ങ്കെ​ടു​പ്പി​ച്ചാ​ണ് അ​താ​ത് സ്കൂ​ളു​ക​ൾ വി​ദ്യാ​ർ​ഥി​ക​ൾ​ക്കാ​യു​ള്ള വ​ര​വേ​ൽ​പ്പ് ആ​ഘോ​ഷ​മാ​ക്കി​യ​ത്.

മ‍ഴ മാ​റി.. മാ​നം തെ​ളി​ഞ്ഞു…

ദി​വ​സ​ങ്ങ​ളോ​ളം നി​ർ​ത്താ​തെ ക​ന​ത്തു പെ​യ്ത മ​ഴ​യെ തു​ട​ർ​ന്ന് പ്ര​വേ​ശ​നോ​ത്സ​വം അ​ല​ങ്കോ​ല​മാ​കു​മോ എ​ന്ന ആ​ശ​ങ്ക​യി​ലാ​യി​രു​ന്നു അ​ധ്യാ​പ​ക​രും ര​ക്ഷി​താ​ക്ക​ളു​മെ​ല്ലാം. എ​ന്നാ​ൽ, തി​ങ്ക​ളാ​ഴ്ച എ​ല്ലാ​യി​ട​ത്തും മാ​നം തെ​ളി​ഞ്ഞ്, വെ​യി​ൽ പ​ര​ന്ന​ത് എ​ല്ലാ​വ​രി​ലും ആ​ശ്വാ​സം പ​ക​ർ​ന്നു. സ്കൂ​ൾ തു​റ​ക്കു​ന്ന ദി​വ​സം ക​ന​ത്ത മ​ഴ പെ​യ്യു​ക​യെ​ന്ന പ​തി​വു​രീ​തി​യും ഇ​ത്ത​വ​ണ മാ​റി. എ​ങ്കി​ലും മ​ഴ​പ്പേ​ടി​യി​ൽ കു​ട​യെ​ടു​ത്താ​ണ് വി​ദ്യാ​ർ​ഥി​ക​ളെ​ല്ലാം സ്കൂ​ളു​ക​ളി​ലെ​ത്തി​യ​ത്.