തെരുവിൽ അലഞ്ഞ അന്തർസംസ്ഥാന യുവതിയും കുഞ്ഞും പീസ് വാലിയിലൂടെ വീടണഞ്ഞു

കോ​ത​മം​ഗ​ലം: മാ​ന​സി​ക വി​ഭ്രാ​ന്തി​യു​മാ​യി തെ​രു​വി​ൽ അ​ല​ഞ്ഞി​രു​ന്ന അ​ന്ത​ർ​സം​സ്ഥാ​ന യു​വ​തി​യും കു​ഞ്ഞും പീ​സ് വാ​ലി​യി​ലൂ​ടെ വീ​ട​ണ​ഞ്ഞു. ര​ണ്ടു​മാ​സം മു​മ്പാ​ണ്​​ എ​റ​ണാ​കു​ളം സൗ​ത്ത് റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് മാ​ന​സി​ക വി​ഭ്രാ​ന്തി​യു​മാ​യി അ​ല​ഞ്ഞു​ന​ട​ന്ന യു​വ​തി​യെ​യും നാ​ലു​വ​യ​സ്സ് തോ​ന്നി​ക്കു​ന്ന കു​ഞ്ഞി​നെ​യും പൊ​ലീ​സ് ക​ണ്ടെ​ത്തു​ന്ന​ത്.

തു​ട​ർ​ന്ന് ശി​ശു​ക്ഷേ​മ സ​മി​തി​വ​ഴി ചി​കി​ത്സ​ക്കും പ​രി​ച​ര​ണ​ത്തി​നു​മാ​യി കോ​ത​മം​ഗ​ലം പീ​സ് വാ​ലി​യെ ഏ​ൽ​പി​ച്ചു. പീ​സ് വാ​ലി​ക്ക് കീ​ഴി​ലെ നി​ർ​ഭ​യ കേ​ന്ദ്ര​ത്തി​ലും സൈ​ക്യാ​ട്രി ഹോ​സ്പി​റ്റ​ലി​ലു​മാ​യി ന​ൽ​കി​യ വി​ദ​ഗ്​​ധ ചി​കി​ത്സ​യി​ലൂ​ടെ യു​വ​തി പ​തി​യെ സാ​ധാ​ര​ണ മാ​ന​സി​കാ​വ​സ്ഥ കൈ​വ​രി​ച്ചു. അ​മ്മ ചി​കി​ത്സ​യി​ൽ ക​ഴി​ഞ്ഞി​രു​ന്ന നാ​ളു​ക​ളി​ൽ നാ​ലു​വ​യ​സ്സു​ള്ള കു​ഞ്ഞ് പീ​സ് വാ​ലി​യു​ടെ ചി​ൽ​ഡ്ര​ൻ​സ് വി​ല്ലേ​ജി​ലാ​യി​രു​ന്നു ക​ഴി​ഞ്ഞി​രു​ന്ന​ത്.

നി​ര​ന്ത​ര കൗ​ൺ​സ​ലി​ങ്ങി​ലൂ​ടെ പ​ശ്ചി​മ ബം​ഗാ​ൾ സ്വ​ദേ​ശി​യാ​ണെ​ന്നും മീ​ന എ​ന്നാ​ണ് പേ​രെ​ന്നും കു​ഞ്ഞി​ന്റെ പേ​ര് രോ​ഹ​ൻ എ​ന്നാ​ണെ​ന്നും മേ​ൽ​വി​ലാ​സ​വും ബ​ന്ധു​ക്ക​ളു​ടെ വി​വ​ര​ങ്ങ​ളും യു​വ​തി കൈ​മാ​റി. തു​ട​ർ​ന്ന് ശി​ശു​ക്ഷേ​മ സ​മി​തി മു​ഖേ​ന പ​ശ്ചി​മ ബം​ഗാ​ളി​ലെ മി​ദ്‌​നാ​പൂ​ർ ജി​ല്ല ശി​ശു​ക്ഷേ​മ സ​മി​തി​യു​മാ​യി ബ​ന്ധ​പ്പെ​ട്ട് ഭ​ർ​ത്താ​വി​നെ​യും യു​വ​തി​യു​ടെ മാ​താ​പി​താ​ക്ക​ളെ​യും ക​ണ്ടെ​ത്തു​ക​യാ​യി​രു​ന്നു. ശി​ശു​ക്ഷേ​മ സ​മി​തി​യു​ടെ ഉ​ത്ത​ര​വ് പ്ര​കാ​രം മീ​ന​യു​ടെ ഭ​ർ​ത്താ​വ് ദ​ബ്ബു​ലാ​ൽ ആ​ദ​ക് പീ​സ് വാ​ലി​യി​ലെ​ത്തി ഭാ​ര്യ​യെ​യും കു​ഞ്ഞി​നെ​യും ഏ​റ്റെ​ടു​ത്തു. മു​മ്പ്​ കേ​ര​ള​ത്തി​ൽ ജോ​ലി ചെ​യ്തി​രു​ന്ന സ​മ​യ​ത്ത് ദ​ബ്ബു​ലാ​ൽ ഭാ​ര്യ​യെ​യും കൊ​ണ്ടു​വ​ന്നി​രു​ന്നു. ആ ​ഓ​ർ​മ​യി​ലാ​കാം കേ​ര​ള​ത്തി​ൽ എ​ത്തി​യ​തെ​ന്ന് ക​രു​തു​ന്ന​താ​യി ദ​ബ്ബു​ലാ​ൽ പ​റ​ഞ്ഞു.

സൈ​ക്യാ​ട്രി​സ്റ്റ് ഡോ. ​നി​ഖി​ൽ ജോ​ർ​ജ്, മാ​നേ​ജ​ർ എം.​എം. ജ​ലാ​ൽ, സൈ​ക്കോ​ള​ജി​സ്റ്റ് ശി​ഖ, റം​സി ഷാ​ജ​ഹാ​ൻ എ​ന്നി​വ​രു​ടെ നി​ര​ന്ത​ര​പ​രി​ശ്ര​മ​മാ​ണ് മീ​ന​യെ പു​തു​ജീ​വി​ത​ത്തി​ലേ​ക്ക് ന​യി​ച്ച​ത്.